حبوب رهيبة للشعر

[كازنوفا]

انا غايتو حقل تجارب كل مايطلع فايتمين للشعر طوالي بجري اقرب صيدلية وبشتريهو لانو شعري دا طوالي بقع علما بان انا عارفة السبب وين؟ بس حبيت اعمل الموضوع دا واي واحدة اشترت حاجة ونفعت معاها تقولينا وانا اولكم بوريك استعملتا شنو؟

جربتا (هيرتون )حبوب مصرية حقت الشعر سمحة للتقصف وفيها كيرياتين وجربتا حبوب (فيقاس) ادتني ليها دكتور مريم اوكير وسمحة والله للشعر بتوقف التساقط من اول شهر والعجب العجاب (هوليستكاب) سمحة شديد فيها كرياتين بطول الشعر وبتغزرو بس غالية صراحة ،، يلا اكعب فايتمين جربو (هيردال) دا غايتو صحبتي شكرت لي فيهو والله عمل فيني عمايل ربنا يدي اي زول علي قدر نيتو اي حتة بجسمي فيها شعر غزرو لي بالجد انا بحذركم من هذا الفايتمين.

انا منتظرة مشاركتكم واي استفسار انا حاضرة

[كازنوفا]

نسيت اهم فايتمين اسمو priorin n دا سمح للناس العندهم تقصف شديد بالشعر

[كازنوفا]

دخلو 34 واحدة مافي تعليق انا زعلتا والله.. المنتدي دا تشارك ارائ وافكار يعني الناس تستفيد من بعضها ولا كيف

[amira808]

تسلمي حبيبة ,,,, كل ما اقول اجرب اخاف من زيادة الوزن ,,,,
عايزة اسالك من هير دال نفع مع شعرك حسيتي بي نتيجة حلوة غير انه غزر شعر الجسم ؟؟؟؟

[سندريللا]

مشكورة ما قصرتي

[بت الافندي]

تشكرى على المعلومه المفيده فى ميزان حسناتك ان شاء الله

[بيرونا]

كتر الف خيرك لو ممكن تورينا كل واحدة جبتيها من وين وبكم

[سكينه]

كازنزفا تسلمى ياعسل الفتيمانات دى كتير كدى ورينى ارهب واحد امشى اسى اجيبو لانى بالجد اكتر حاجة بهتمى بيها شعرى واسرع واحد وشكراااااااااااااااااااااااااااااااااا

[غرام]

ياكازنوفا انا جربت قبل كده هير دال علبة واحدة على اساس حبة واحدة لمده شهرين تكفي العلبة بس ما شفت اي نتيجة وتاني غيرت لبيورين ان ده وقعدت عليهو ثلاثة شهور ولا شفت اي حاجة وشعري فيهو كل المشاكل ما عارفة المشكلة وين كدي اخطر واحد للكثافة شنو انا اهم حاجة عندي اوقف التساقط وتنمو فراغات الشعر

[قرنفلة]

مشكوووورة ما قصرتي ابدا

ام تينا سابقا

[كازنوفا]

اقتباس المشاركة الأصلية كتبت بواسطة amira808 تسلمي حبيبة ,,,, كل ما اقول اجرب اخاف من زيادة الوزن ,,,, عايزة اسالك من هير دال نفع مع شعرك حسيتي بي نتيجة حلوة غير انه غزر شعر الجسم ؟؟؟؟

والله نفعني شديد ووقف لي التساقط وغزر لي شعري من تاني شهر بس عمل لي مشكلة بجسمي اي حتة بجسمي فيها شعر غزرو لي

[كازنوفا]

اهم شي يا جماعة تعرفي سبب المشكلة شنو؟ وتحاولي تعالجيها احتمال يكون عندك فقر دم او نقص بالحديد او عندك مشكلة بالغدة الدرقية ذي كدا او الحالة النفسية ماتمام واهم شي التغذية الداخلية والقناعات يعني ماتبلعي حبوب بس وتقعدي وتقولي والله الحبوب ماعملت لي شي ،، اهم شي حمام الزيت وقناع مرتين بالاسبوع وبعداك تختاري نوع كويس من الفايتمين والمدة المفروضة علي فايتمينات الشعر من شهرين الي 3شهور اقل من كدا مابنفع

[كازنوفا]

سكينة وغرام انامن راي امشوا جري اشتروا هوليستكاب والله رهيب شديد وحاتدعوا لي داير تفتيش انا كان عندي بس الطلبية خلصت ومامعرفو متين اجيبوا بس فتشوا بالصيدليات الكبيرة وكان مالقتيهو جيبوا الحبوب دي برضو رهيبةpriorin n

[كازنوفا]

ونصيحة لصاحبات الشعر الخشن تستعمل الحمام زيت مرة بالاسبوع وكمان بعد تغسل الشعر لازم تعمل Conditioning بلسم وافضل الزيوت للشعر الخشن زيت جوز الهند وزيت الجوجوبا يفضل تعمليهو بالشعر لمدة ساعة ويغسل بالماء فقط

[كازنوفا]

تسلمي يابت الافندي ربنا يقبل

[كازنوفا]

اقتباس المشاركة الأصلية كتبت بواسطة بيرونا كتر الف خيرك لو ممكن تورينا كل واحدة جبتيها من وين وبكم

غايتو الهيرتون بي 35ج والهوليتسكاب بصيدلية المك نمر بي 120ج وفيقاس بي 40ج اما باقي الفايتمينات انا جيبتها من خارج السودان بس احتمال تتلقي بصيدلية المك نمر او محمد سعيد او الاول

[نجلا]

شكرا يا كازنوفا على الموضوع عرسي بعد شهرين وما عارفة استخدم شنو محتارة طيب سؤال الفيتامينات دي ما فيها خطورة ممكن تستخدم من غير استشارة طبيب؟

[غرام]

الهولستكاب ده العلبة بتقعد شهر ولا كيف وبعد اذنك ممكن اسمها بالانجليزي عشان يعرفها لي الصيدلي ،،،، انا بره السودان

[كازنوفا]

اقتباس المشاركة الأصلية كتبت بواسطة غرام الهولستكاب ده العلبة بتقعد شهر ولا كيف وبعد اذنك ممكن اسمها بالانجليزي عشان يعرفها لي الصيدلي ،،،، انا بره السودان

اسمها بالانجليزي holisticap حبتين صباح وحبتين مساء لمدة 3 شهور ايوا بتقعد شهر العلبة

[كازنوفا]

اقتباس المشاركة الأصلية كتبت بواسطة نجلا شكرا يا كازنوفا على الموضوع عرسي بعد شهرين وما عارفة استخدم شنو محتارة طيب سؤال الفيتامينات دي ما فيها خطورة ممكن تستخدم من غير استشارة طبيب؟

هي فايتمينات كيف يكون عندها خطورة يعني لو اكلتي كل يوم تفاحة مابحصل ليكي شي لانها فايتمينات وبحتاجها الجسم ،، وممكن تستخدميها براكي بس لو ماعارفة المشكلة وين ممكن تمشي دكتور