شاركونا بالجرسه

[هديل الروح]

سفرك بكرة قالوا .. يا ناس مالكم ومالو

يعني على الاقل كان يصبر لحدي ما بكرة دي تجي ..يمكن يغير رأيه

- حليلو قال ناوي السفر يا حليلو ...... كيف الوداع لامن يحين وقت السفر

بكاء ..... بالنية بس ..مع الاسف ما عرفنا الوداع كان كيف لمن حان وقت السفر .

- ويا يوم بكرة ما تسرع تخفف لى نار وجدى

بالجد .....قمة الروعة والجرسة

شاركونا بالجرسة يا حلوات

[om loza]

[هديل الروح]

اقتباس المشاركة الأصلية كتبت بواسطة om loza

هههههههه ايه الجرسه دى من الصباح هههههههههه

[هديل الروح]

لاشوفتن تبل الشوق ولا ردا يطمن




اريتك تبقى طيب وانا البى كله هين




كدى جيبن باقي الجرس اصلهن كتااااااااااااار [/center]

[om loza]

ويوم سفرك تساهر بى . . . . مع هدومك ترص نومى
تشيل فى شنطتك راحتى . . . .وصعيبة الفرقة ياتومى
شفتى توقيع ام رضاب ده تانى مافى بعدو كلام

[سمريه]

سافر مطارات الوداع ضجت قدامك وراك ياراحل

هديل ماليك علينا من الصباح بالجرس

[شهد2011]

سافر عليك يمهل وعلينا يسهل

تخريمة: هو من المسافر؟؟

[هديل الروح]

اقتباس المشاركة الأصلية كتبت بواسطة om loza ويوم سفرك تساهر بى . . . . مع هدومك ترص نومى تشيل فى شنطتك راحتى . . . .وصعيبة الفرقة ياتومى شفتى توقيع ام رضاب ده تانى مافى بعدو كلام

بارعة ام رضاب
om loza
الجرسة عندكم .....لكن هاكم دي

قالوا الجمال يا غالي بيك ..كانت نهايتو واولو
نحن في هواك يا غالي لا .....لا بنطيق فراق لا بنحملو
اصلو المحبين الحنااااااان لا بنسو لا بتحولو

[سودانية جداً]

الليلة مسافر انا انا ......... وما جبر الخاطر

[هديل الروح]

اقتباس المشاركة الأصلية كتبت بواسطة سمريه سافر مطارات الوداع ضجت قدامك وراك ياراحل هديل ماليك علينا من الصباح بالجرس

سمريه دى الجرسه ولا بلااااش هههههههه
تقولى شنو جرس شديده من الصباح قايمه على

طيب هاك دى
انا باكيه بالدمع التقيل

ماناسيه للعهد القبيل

وريني كيف يسعد قليب

زفوهو بالنوح والعويل

[هديل الروح]

اقتباس المشاركة الأصلية كتبت بواسطة شهد2011 سافر عليك يمهل وعلينا يسهل تخريمة: هو من المسافر؟؟

عسل ياشهد ضحكتيني شديد سافر حبيبي

[هديل الروح]

اقتباس المشاركة الأصلية كتبت بواسطة سودانية جداً الليلة مسافر انا انا ......... وما جبر الخاطر

واااااااي ياسودانيه ماتبكينى بحبها الاغنيه دي

تفارق كيف تخلينا ... لشوقنا وذكري ماضينا
وكيف بعدك يكون الحال و.... كيف تصبح ليالينا

[شهد2011]

اقتباس المشاركة الأصلية كتبت بواسطة هديل الروح عسل ياشهد ضحكتيني شديد سافر حبيبي

سجمي ياهديل ياتؤام روحي حبيبك سافر وانت قاعدة تولولي في المنتدى اجري حصلي الحجل بالرجل

وهاك اغنية الحجل بالرجل
الحجل بالرجل يا حبيبي سوقني معاك الليلة العزول جاب لي خبربالسو نسام البحر قلب الخبر باللو قال دام هواك يا حبيبي مهما تسو يا مسافر براك شاقي المفازة بليل لي أب قلبا طراك أهداك المحبة دليل بحق المودة حق الهوى والريد يا مسافر براك قبل السفر زامل لي أب قلبا طراك بي المحنة ما تجامل بحق المودة حق الهوى الكامل‏‏

[هديل الروح]

اقتباس المشاركة الأصلية كتبت بواسطة شهد2011 سجمي ياهديل ياتؤام روحي حبيبك سافر وانت قاعدة تولولي في المنتدى اجري حصلي الحجل بالرجل وهاك اغنية الحجل بالرجل الحجل بالرجل يا حبيبي سوقني معاك الليلة العزول جاب لي خبربالسو نسام البحر قلب الخبر باللو قال دام هواك يا حبيبي مهما تسو يا مسافر براك شاقي المفازة بليل لي أب قلبا طراك أهداك المحبة دليل بحق المودة حق الهوى والريد يا مسافر براك قبل السفر زامل لي أب قلبا طراك بي المحنة ما تجامل بحق المودة حق الهوى الكامل‏‏

جرستيني شديد يافرده هههههههه
بري ياتؤام الروح قاعد يمش وين بهظر ساي


شال هم فرقتك قلبي ومعاك ياريتو كان يرحل
وجنبك ومشتهيك ياعيون
وكيف وكيف لما الفراق يحصل ان شاء الله مايحصل
مجبور قلبي يتعلم بعد ولف عليك ينسى
عشان اللحظه تنساكي عيون ما اتعلمت تنسى
انا الفارقته مرساكي قبل اشواقي ماترسى
اصابح بكره كيف العيد وعايش فرقتك هسا

[هديل الروح]

نحن ما دايرين نعاتبك
انت مننا وانت لينا
انت لو غلطان معانا
حقك انت يكون علينا
( جرسة لدرجة الانبراشة )

[سمريه]

منو القال ليك بنتحمل فراق عينيك

[sona2008]

سائلين عليك كل العباد
الجونا منك و المشو
يوماتي سيرتك احلي زاد
...لي زول غيابك يوحشو
يتنسم الاخبار عليك
مالاسيرة زاتا تنعشو

سائلين عليك قمر السما
المن جمالك وجنتو
الهي ...عنو النجوم شال من ملامحك نضرتو

[سمريه]

سائلين عنك ويوماتي رحيل لمواني المدن النفطيه

[هديل الروح]

اقتباس المشاركة الأصلية كتبت بواسطة سمريه منو القال ليك بنتحمل فراق عينيك

انجراسه حلوه شديد ياسمريه تسلمي
شعبنا حنين وعاطفي
والولف كتال

[هديل الروح]

اقتباس المشاركة الأصلية كتبت بواسطة sona2008 سائلين عليك كل العباد الجونا منك و المشو يوماتي سيرتك احلي زاد ...لي زول غيابك يوحشو يتنسم الاخبار عليك مالاسيرة زاتا تنعشو سائلين عليك قمر السما المن جمالك وجنتو الهي ...عنو النجوم شال من ملامحك نضرتو

ياسلااااااااااام عليك ياsona2008 صحيتى جواى حاجات وحاجات