البخور السوداني للبيت بالصور

[نورا]

المكونات الجافة:

* حطب شاف بتاع الدخان مكسر قطع صغيرة



* ضفرة

* مسك

* سكر


المكونات السايلة

فلور دامور + (اي عطر ريحته قوية للرش في النهاية(ده اختياري)

مجموع

سرتيه

بت السودان

صندلية

ليمونة وبرتقالة

[نورا]

الطريقة

اولا: نجهز السكر لتعسيل الحطب


نسيح السكر في النار- تقديره حسب كمية الحطب العندك

[نورا]

بيكون لونه كده يعني على عسلي






وتضيفي ليه عصير الليمون والبرتقال

بديه شكل جميل ويجعله متماسك

ونكهة مميزة




وتحركي

وشكل السكر بكون كده





.

[نورا]

تبدي تضيفي الحطب شوية شوية



وتقلبيه عشان ما يتكرضم :p

[نورا]

بعد ده نجي للتعطير

تكوني مجهزة كل عطورك

اولها تحمصي الضفرة بعد تنظيفها نضافة شديدة

وبيكون لونها بالشكل ده





وتسحنيها او تدقيها على هون بس ما يكون شديد

تقريبا ده شكلها يعني مجروشة ما مسحونة





وتضيفيها للحطب والسكر




.

[نورا]

يلا تضيفي العطور السايلة

فلور دامور




بت السودان




مجموع





سرتية نقاط بسيطة

[نورا]

تضيفي الصندلية





وتفضلي تقلبي عشان الريحة تمسك في كل الحطب





بعدها تنزليها من النار وتشتتي فيه المسك
وتخليها يسيح براه براحته لانه اصلا الحطب سخن



بالطريقة دي



.

[نورا]

ترفعي على النار شوية
وتقلبيه شديد






قبل ما يبرد ترشي عليه عطر فرنسي بتحبيه( ده حسب رغبتك)
وتخليه يبرد شوية وتختيه في علبة محكمة الاغلاق

وده الشكل النهائي






بالهناء



يلا شجعوني :)

[حياة]

نورا :eek:


كنتي غاتسة وين

لكن والله ابداع ومجهود جبار تشكري عليه

شغل واضح ومرتب ماشاءالله تبارك الله

بصراحة انا ما بعرف اعمله


لو بالطريقة دي معناها ساهل

وانا معذبة امي الله يديها العافية كل مرة ترسل لي

تاني بعمله براي تسلم ايديك


شوقنا بحر

[نورا]

:)

حياة مشتاقين كيف حالك
ظروف قاهرة مسكتني منكم
اعفوا لي
لكن والله ايدي في ايديكم

اها وجيتكم بالمفيد كيف معاك ;)

ويا ستي ما عندك اي مشكلة
كان ما عرفتي تلفني بس ويكون عندك جاهز
في خلال ساعات معدودة

وشوقنا بالاكتر

وخليك متواصلة

البنية بتسأل منك :)

[نورا]

:p










:)

[reery]

بخوررررررررررررررررر الهناء والسرور
تسلمي يا غالية

[نورا]

تسلمي يا ذوق

شرفتي الدار

شيلي العلبة طواااااالي

[فلتكانه]

تسلمي ريحة بخورك معطرة المنتدى

[نورا]

السلام ليك يا فلتك
وجودك معطر المكان

هاك اتبخري

وكل الحبيبات


















:)

[توتة برية]

تسلمي يانورا يارب

الليلة كنت عايزة اضرب لامي اسالها اجيب معاي شنو عشان تعمل لي البخور
انا بفضل الجلامور على الفلوردامور
وبخت صندل مسحون بدل الصندلية
بس ماحصل عملت المجموع والسرتية وبت السودان

المرة دي حأجرب وصفتك
بس ياريت مشكورة توريني كمية المجموع وبت السودان قدر شنو

وتسلمي مرة تانية

[ستو]

لكن ما موضوع رهيب
ريحته تلفح من بره
احي هدي قعدة

[نورا]

يا بنات جيبو الشاي والقهوة لستو
اخدي راحتك الف يا ستو وست البنات



توتة برية شرفتي الموضوع
المجموع والسرتية وبت السودان
بدوك الريحة الاصلية للبخور السوداني
والصندلية لانها سايلة وبتمسك في الحطب او الصندل
طبعا الكميات حسب كمية الحطب او الصندل العندك
مثلا
الكمية الفي الموضوع ده كبيت كلللل الكمية

ما عدا السرتية - تعملي منها شووووووووية يعني زي نقطة او اثنين
لانها ريحتها قوية شديد وبتوظ البخور لو زديتها عن كده - وفي نفس الوقت
مهمة شديد ولا غنى عن النقطة دي بتدي البخور طابع غير

وطبعا البخور في النهاية ريحة كلما زدتي كمية الريحة كلما بخورك طلع رهيب

انشاءالله اكون افدتك

وبخور العافية والسرور وتحياتي للخالة العزيزة(خلاص كفاها اتعلمي واعملي براك:p)



:)

[توتة برية]

تسلمي يانورا ياعسل

علم وجاري التنفيذ

انا حاسوي طريقتك دي بالملي

امي دي كفاها على قولتك نتعلم برانا
الله يقدرني على دلكة حياة كمان

طيب يانورا طلب اخير
بخور الصندل بيكون بنفس الطريقة ولا في اختلاف

[توتة برية]

تسلمي يانورا ياعسل

علم وجاري التنفيذ

انا حاسوي طريقتك دي بالملي

امي دي كفاها على قولتك نتعلم برانا
الله يقدرني على دلكة حياة كمان

طيب يانورا طلب اخير
بخور الصندل بيكون بنفس الطريقة ولا في اختلاف