المسلسل المدبلج.......

[حنين العودة]

السلام عليكم يارب كلكم كويسين عندى سوال المسلسلات المدبلجه الكتيره دى اضافت ليكم شنو؟؟ولو بتابعوها بتتابعوها ليه

[التاية]

انا غايتو مابحبها نهائى ولا حصل
تابعتا مسلسل مدبلج
لانو جنى وجن المسلسل الحلقاتو طويلة
لكن شايفة الناس ماعندها شغلة غير المسلسلات المدبلجة
ماعارفة العاجبهم فيها شنو

[حنين النيل]

الحمدلله مابتابع اى مسلسل مدبلج زمان كدة تابعت واحد
ولما لقيت حلقاتو كتير خليتو وتانى ماتابعتا ابدا
وبحس انو تضيع وقت فى الفاضى
لانو مبضيف لى حيات الزول اى شى
غير زيادة الكسل
وعلى فكرة اليوم داك اقلب فى القنوات فجاءة فتحت القناة الكان
فيها المسلسل التابعتو والله من غير مبالغة لقيت
ليك الاعلان حق المسلسل الجزء الرابع والله المسلسل تابعتو من سنة وسيبتو من سنة
وللان شاغال اي الحكاية والله لما شفتو اتخلعتا وقلتا الناس دى ماعندها
شغلة ولا شنو غير المسلسلات
ومعليش كترتا وتقبلى مرورى
والله فعلا موضوع يستحق المناقشة
وربنا يهدى الجميع يارب

[luluruba]

وعليكم السلام ورحمة الله
جزاك الله خير ياحنين على اثارة الموضوع ده الحمدلله ماقاعده اتابعوا هو ولا غيروا لكن ممكن اوريك الاضافات الاضافتا المسلسلات دى اول شى نزعت الحياء نهائى يعنى ممكن تجى داخله فى بيت تلقى اسره كامله بتتفرج على المسلسل بما يحتويه على لقطات اجارك الله لما ما تعرفى تمشى وين تانى خلت الناس تتعاطف مع حاجات حراااام كأنها حاجه عاديه يعنى مره لقيت ناس بتتكلم عن البطل البحب مرة عمو وكمان حامل منو تخيلى بتكلموا عنهم بمنتهى التعاطف كانو شى عادى وعلى كده قيسى

[ام نوسه]

المسلسلات التركيه حاليا والكوريه دى طالعه جديد والمكسيكيه زمااان طبعا مابتضيف اى شى للاسف غير انها بتضر وتخلى الناس يسرحو فى اوهام ويصدقو انو دى حقيقه وفى النهايه بكتشفو انو غير ضياع الوقت مااستفادو شى انا حضرته بصراحه مسلسلات مدبلجه والسبب الرئيسى عدم الموضوع وشمار منى اعرف الناس بتتكلم عن شنو لكن انا بحضر حلقه وبعد اسبوعين الحلقه التانيه وبكون لسه فى الجو وفاهمه الحاصل اسى الحمدلله لى فتره بطلت اتابع لانو بالجد ضياع زمن وحاجه مامنها اى فايده لو الزول حضر برنامج طبى ولا اجتماعى بستفيد اكتر
وتسلمى على الموضوع

[ستوتة]

زمان كنت بتابعا لكن هسي لا
وطبعا ما بتضيف اي حاجة

[عبق]

انا برضو ما بتابعا بالذات التركي لكن زمان تابعت ناس كساندرا و غودلوبي وماريا مرسيدس بشغف ايام الثانوي وقلبوني رومانسيه وشايفه الحياة ورديه بعد ما جيت السودان للجامعه عرفت انو الدنيا دي فيها البيض و الاسود والنفوس تفترضي الكعب قبل الكويس ولحد الان بتغشه في الناس لانو الطبع يغلب التطبع:drry:

[ام ايمن]

والله انا بشوفها فى اوقات الفراغ وهى افضل من المسلسلات المصرية نهاياتها معروفة ومتكررة الوجوه

[حنين العودة]

سعدت بمروركم وسعدت اكثر لان الغالبيه غير متابع لها وكمان متفقين انها مابتضيف جديد زى ماقلتو ......يلا نحاول كل ما نلقى زول بتابع نحاو ل من باب النصح والنهى عن المنكر نتكلم معاهو وكلو بحسناتو.....

[التفاحة]

ما متابعة وفي الغالب ما سمعت قصتهم .....

[همسات الغربة]

والله يا جماعه جاتني وحده في البيت واتونس واكب في الشاي وهي سارحه في مسلسل تركي وشي ترد لي وشي ما ترد وما صغيره اتجاوزت ال30 سنه
والله اتغظت غيظ الحمدلله بس ربنا يهدي

[ام رؤى]

انا عن نفسي مابحبها نهائى ولاحصل
تابعتا مسلسل مدبلج

[tajoj]

عبارة عن ضيــــاع وقت بالفاااضي وما عندها هدف وما فيها مضمون الصراحه بستغرب في صحباتي بتابعوها كيف وبقعد اعاين ليهم لما يقعدو يحكو عنها بكل شغف انا بكون في نصهم كدا :not-hppy:

[تييت]

وعليكم السلام ورحمة الله
جزاك الله خير ياحنين على اثارة الموضوع ده الحمدلله ماقاعده اتابعوا هو ولا غيروا لكن ممكن اوريك الاضافات الاضافتا المسلسلات دى اول شى نزعت الحياء نهائى يعنى ممكن تجى داخله فى بيت تلقى اسره كامله بتتفرج على المسلسل بما يحتويه على لقطات اجارك الله لما ما تعرفى تمشى وين تانى خلت الناس تتعاطف مع حاجات حراااام كأنها حاجه عاديه يعنى مره لقيت ناس بتتكلم عن البطل البحب مرة عمو وكمان حامل منو تخيلى بتكلموا عنهم بمنتهى التعاطف كانو شى عادى وعلى كده قيسى

يسلم فمك يا عسل الكلام دا في راسي
نحن الحمد لله ما بنحضر اي مسلسل مدبلج بس عندي بت اختي مشت لي عمته وحضرت المسلسل جات تقول (امي اللييييلة الراجل ياس البت )تخيلو يعني علي الدنيا السلام

[هديل الروح]

أنا لا أحبها لأنها لا تنقل إلينا ثقافة المجتمع الحقيقية بل تنقل إلينا أشياء ليست حقيقية عن واقعهم أو ربما تنقل جزء صغير من واقع جزء صغير من هؤلاء الناس ..

[ورود خضراء]

كلها كلام فاضى وقاصدين منها للاسف نشر مفاهيم وثقافه بعيده عن الاسلام
ومره فى قناة الجزيرة برنامج الاتجاه المعاكس كانت وحده من الضيوف فى الحلقه ديك الكانت مدبلجه
صوت نور وطبعا هى معظم المسلسلات التركيه من اشرافها قالت بالحرف الواحد احنا عم نملا وقتهم هواء

[ihsan]

انا غايتو مابحبها نهائى ولا حصل
تابعتا مسلسل مدبلج
لانو جنى وجن المسلسل الحلقاتو طويلة
لكن شايفة الناس ماعندها شغلة غير المسلسلات المدبلجة
ماعارفة العاجبهم فيها شنو

:077:انا ذاتي والله

[اساور من ذهب]

غريبة اغلبكن ما متابعات !!!!!!!!!
انا ماحصل طلعت من بيتي وقعدت في لمة نسوان وما كان ونستن معظمها عن المسلسلات
وبكون قاعدة زي الاطرش في الزفة
وكنت فاكرة نفسي انا الوحيدة في عالمنا العربي الما تابعت مهند ونور
ما بكرة شي غير الكورة والمسلسلات
زمااااااان في تسعينيات القرن الماضي تابعت مسلسل مدبلج اسمه مانوييلا
سلا روحي وضايقني في مواعيد المذاكرة
ومن وقتها توووووووووبة من المسلسلات

[ام الوش]

ما حصل تابعتها نهائي لانها مضيعة للزمن واظن الناس عاجباهم الرومانسية الزايدة والحب واللقطات الساخنة بال\ات الشباب وده كلو حراااااااااااااام والله يهدي الجميع

[ندىالياسمين]

انا كمان ما بحب المسلسلات كلها كلام فاضي ومضيعة للوقت

[نسم]

انا مرات مرات كدا بتابعهم.......لكن انا شايفاها بتضيع العمر عديل......لانها طويلة شديد